Bialetti - Brikka Kaffikanna

6.990 kr.7.990 kr.
5.592 kr.6.392 kr.

Bialetti Brikka mokkakannan gerir fullkomið froðukennt kaffi. Brikkan virkar á allar tegundir helluborða nema spanhelluborð. Það var árið 1933 sem ítalski verkfræðingurinn Alfonso Bialetti hannaði hina byltingakenndu mokkakönnu og varð fyrirtækið í kjölfarið einn fremsti ítalski framleiðandi á kaffivélum. Mokkakannan breytti því hvernig fólk drakk kaffi og hafði gífurleg áhrif á ítalska kaffimenningu en ekki leið á löngu þar til kannan hafði dreift sér á heimili um allan heim. Kannan virkar þannig að vatn er sett í botninn á henni og kaffið í sérstakt hólf að ofan. Við suðu mun vatnið eimast í gegnum kaffikorginn og safnast fyrir í könnunni.

 

Brikka mokkakannan kom ný á markað 2018 og hefur innbyggðan sérstakan þrýstijafnara sem býr til extra-froðukennt kaffi. Brikkan kemur í tveimur stærðum, sem 2 bolla kanna og 4 bolla kanna. Stundum getur verið vandi að velja stærð á könnu en þá er gott að miða við að 2 bolla mokkakannan er flott fyrir einn en 4 bolla kannan er flott fyrir tvo að deila. Bollastærðin er neflilega miðuð út frá espresso stærð en espresso bollar eru um 10 cl að stærð. Hefðbundni ”íslenski” morgunbollinn er töluvert stærri. Það má alls ekki setja mokkakönnuna í uppþvottavél og ekki er nauðsynlegt að þvo hana með sápu heldur. Best er að handþvo könnuna með heitu vatni.

2 bolla: 100 ml
4 bolla: 170 ml

Vörunúmer: 2-000731 Vöruflokkar: , , Vörumerki:
Scroll to Top